اسهل وأجمل طريق لعمل كفتة الحاتي

اسهل وأجمل طريق لعمل كفتة الحاتي

كل اسرار كفته الحاتي في البوست دا .. 

اللي من رابع المستحيلات انها تطلع للعميل .. 

وحخليكي تعمليها احسن من احسن مطعم كلتي فيه في حياتك 😉😉

المطلب_الجماهيري


النهارده يا جماعه حنتكلم عن كفته الحاتي  وازاي متفكش منك وهيا في السيخ  وحعلمك طريقه عملها 

ومكوناتها زي ما بتاكليها بره بالظبط  وحقولك كمان سر من اسرار المطاعم


كفته_الحاتي

750جرام لحم مفروم
250 جرام دهن مفروم
عدد 2 بصله مبشوره ونحطلها سنه ملح ونقلبها ونحطها علي المصفاه  ونصفيها .. الملح حيخليها تنزل الميه اللي فيها  والميه اللي حتنزل منه مسيبها علي جنب حنحتاجها
قرن فلفل حامي مفروم
رشه فلفل
رشه ملح
وسر المهنه  معلقه سكر صغيره
وربع معلقه بيكنج صودا ( كربوناته )

نحط  البصل وباقي مكوناتنا دي كلها علي بعض ونقلب كويس جداا لحد ما الخليط يتجانس وندخلها التلاجه علي الاقل ساعه تشمع  وتمسك في بعض عشان نعرف نصبعها
ونطلعها من التلاجه نحطها في الاسياخ ونبل ايدينا بميه البصل واحنا بنصبعها عشان متلزقش في ايدك وتتبهدل علي السيخ واهم حاجه وهيا علي الفحم تقلبيها باستمرار عشان  (متفكش برده)

وعموما  في المطاعم عشان تمسك في بعض ومتكشش منه والدهون اللي فيها تفضل موجوده وميزانها ميقلش علي النار  ومتنشفش منه  مهما سابها في الهوا بيحطلها حاجه كده في الدبيحه اسمها تقليب البطن عامله زي الكاوتش  وبلاش افسر اكتر من كده عشان محدش يقرف
الكفته بالطريقه دي باذن الله عمرها ما حتفك  ولا حتكش منك ولو حاسه انها سايبه منك حطي معلقتين بقسماط ناعم


وبالهنا والشفا


اسهل وأجمل طريق لعمل كفتة الحاتي
admin

تعليقات

google-playkhamsatmostaqltradent