شنت جماهير النادى الاهلى هجوما شديدا على اتحاد الكرة المصرى من خلال صفحاتها على مواقع التواصل الاجتماعى.
و جاء هجوم جماهير الاهلى على اتحاد الكرة بعد قرار الاتحاد الاخير بتاجيل مباراة الاهلى امام انبى و مباراة الزمالك امام المصرى لاجل غير مسمى.
و اتهمت جماهير الاهلى ادارة الاتحاد باثارة المشاكل مع الاهلى من اجل الزمالك.
فيعد قرار الاتحاد الافريقى الاخير و الذى جاء نتيجة لطلب الامن المصرى بتاجيل مباراة الاهلى الافريقية امام النجم لساحلى لتقام الاحد 26 يناير بدلا من الجمعة 24 يناير و تقديم مباراة الزمالك الافريقية امام مازيمبى لتقام الجمعة 24 يناير بدلا من السبت 25 يناير, لم يججد الاتحاد المصرى لكرة القديم بديل لتاجيل مباراة الاهلى و انبى و التى كان مقررا لها يوم الاثنين 27 يناير.
و لكن فوجئت جماهير و ادارة الاهلى بقرار جديد من اتحاد الكرة بتقديم مباراة الاهلى و انبى فى الاسبوع 15 للدورى لتقام يوم الاربعاء 22 يناير اى بعد اداء يومين فقد من اداء الاهلى لمباراته امام المقاولون المقرر لها مساء الاحد 19 يناير.
و تعجب الجميع من القرار الاخير لاتحاد الكرة و تذكروا ما حدث للاهلى من ضغط مبارياته قبل مباراة صن داونز الشخيرة و التى خسرها الاهلى بالخمسة. خاصة و ان الاهلى مقبل على مباراة مصيرية فى دورى ابطال افريقيا امام النجم الساحلى التونسى.
و لكن جاء قرار اتحاد الكرة اليوم ليعيد الامور لنصابها بتاجيل مباراة الاهلى و انبى لتقام فى وقت لاحق لم يحدد بعد. و كالعادة اثاء قرار اتحاد الكرة الجدل بعدما اجل ايضا مباراة الزمالك امام المصرى و المقرر لها الاثنين 20 يناير الجارى.
و لذلك رات جماهير النادى الاهلى ان اتحاد الكرة قرر التراجع عن تاجيل مباراة الاهلى و انبى و قام بتقديم موعدها من اجل ان يقوم بتاجيل مباراة الزمالك ايضا.
و جاءت تعليقات صفحات جماهير الاهلى كالتالى:
"عشان تأجلوا ماتش الزمالك مع المصري وميبقاش شكلكم وحش حطيتوا ماتش انبي في النص عشان تأجلوه بعد كده مع ماتش الزمالك لاحلو الفيلم ده"
" طب الاهلى يتأجل ماشى عشان هيلعب يوم ١٩ و ٢٢ و ٢٦ لكن الزمالك مريح من يوم ١٥ لحد يوم ٢٤ ليه كان ممكن يلعب ماتش المصرى عادى يوم ٢٠"
"معروفة وواضحه جدا إن هما حطو مباراة إنبى فى الوقت ده علشان يعرفوا يأجلو للزمالك مباراته ومحدش يتكلم سياسه من الزناتى والجناينى معروفه"
" الجنايني وزناته علي رأي علاء صادق والله تسحتقوا اللي بيعمله فيكم عايز تأجل ماتش الزمالك قمت مخترع حوار الاهلي وانبي يوم 22"
"الزمالك اخر مباراة قبل مازيمبي لعبها كانت مباراة الجونة يوم ١٥ وكان عنده المصري يوم ٢٠ ومازيمبي يوم ٢٤ . يعني كان هيريح ٤ ايام قبل المصري و ٣ قبل مازيمبي. كمان لازم نحط في اعتبارنا ان مباراة زيسكو قبل مباراة الجونة كانت مقامة في مصر بمعنى ان الفريق متعرضش لأي ظروف سفر او ارهاق الأهلي بقى اخر مباراة لعبها كانت مع طنطا يوم ١٥ وكان عنده المقاولين بس يوم ١٩ قبل ماتش النجم راح اتحاد الكرة ضايفله فجأة ماتش انبي يوم ٢٢ قبل النجم يوم ٢٦ يعني كان هيريح ٣ ايام قبل المقاولين و يومين فقط قبل انبي و ٣ قبل النجم وبرضوا لازم نحط في الاعتبار ان الاهلي سافر اصعب رحله له السنادي قبل ماتش طنطا عشان يلاعب بلاتينيوم في زيمبابوي يبقى لو كان الجدول طبيعي زي الاول الاهلي كان هيلعب مباراة المقاولين بس قبل النجم والزمالك هيلعب مباراة المصري بس قبل مازيمبي. يبقى انت حطيت مباراة انبي اللي مكانتش اصلا موجودة ليه ؟ . ورجعت شلتها ليه ؟ . ايوة عشان وانت بتشيلها تدي مبرر انك تشيل قصادها ماتش الزمالك والمصري ويبقى الزمالك ريح ٨ ايام كاملة قبل مباراة مازيمبي. وتنزل بيان وكأنه دعما للأهلي اللي مضغوط في توقيت المباريات حاجة كدة على طريقة زكي رستم في رصيف نمرة خمسة. واصلا الاهلي مكنش مضغوط انت اللي ضغطه بمزاجك لما حطيتله مباراة زيادة مع انبي وكل اللي انت عملته انك رجعت شلت المباراة الزيادة دي بس شيلت معاها ماتش الزمالك عشان يبقى الزمالك هو المستفيد الاكبر بدنيا من الازمة اللي صنعها اتحاد الكرة وهو عارف صنعها ليه وهيحلها ازاي. لا شغل موظفين بنوك كبار فعلا"
نص قرار اتحاد الكرة المصرى بتاجيل مباراتى الاهلى امام انبى و الزمالك امام المصرى و الذى نشره على صفحته الرسمية على الفيس بوك:
"🔴 تأجيل مباراتي الأهلي مع إنبي والزمالك مع المصري ..... 🇪🇬🏆
قررت إدارة المسابقات بالاتحاد المصري لكرة القدم تأجيل مباراتي الزمالك مع المصري المحدد لها 20 يناير الحالي و الأهلي مع إنبي المحدد لها 22 يناير ضمن مسابقة الدوري الممتاز لموعد يحدد مع بداية الدور الثاني للمسابقة.
جاء ضمن اعتبارات القرار أن التعديلات التي أجراها الاتحاد الأفريقي مؤخرا قد ساهمت في زيادة الضغط على الأندية المصرية المشاركة في البطولات الأفريقية.
وأيضا انطلاقا من الشفافية التي يعتمدها الاتحاد في عمله و دعما للأندية المصرية المشاركة في البطولات الخارجية والتي تتسم مواقفها بالحساسية في تلك البطولات .
كما تزامن القرار مع الخطاب الوارد من هيئة ستاد القاهرة يطلب فيه تأجيل مباراة الأهلي مع إنبي لما بعد يوم 25 يناير لارتباطه بالتزام طوال الفترة من 21 حتى 25 يناير الحالي .
وكانت إدارة المسابقات قد قامت بمراجعة مواقف كل الأندية المصرية المشاركة في بطولات خارجية ، على ضوء التعديلات التي أجراها مؤخرا الاتحاد حيث اطمأنت لموقف بيراميدز متصدر مجموعته في الكونفيدرالية ، كما أن قرعة البطولة العربية قد أوقعت ناديي الإسماعيلي والاتحاد السكندري المصريين في مواجهة بعضهما مما يعني أن ناد مصري سيصعد إن شاء الله.
"