طريقة اللانشون البيتي
اللانشون البيتى..
المقادير ..
1/4كوب زيت
4بيضات،
5قطع جبنه مثلثات
2مكعب مرقة دجاج
2فص توم
1/2ملعقة فلفل اسود،
1/2ملعقة بهارات
1/2ملعقة جوزة الطيب
ملعقه صغيره نشا
فصين حبهان ناخد الي جواه
،لون غذائي من العطار للانشون بتحطي حاجه بسيطه جدا
، 5ملاعق دقيق.
الطريقه...
نحط كل المكونات ف الخلاط الزيت والبيض وبعدين اللون لحد ما يتمزج مع المكونات وبعدين تضيفي باقي المكونات، نجيب كيس تلاجه وسط وتربطي طرفه الناحية ال تحت بخيط وتحطي المقدار وتضيفي فلفل اسود حب او زيتون مخلي وممكن فلفل أخضر براحتك حسب الرغبه و المتوفر وتربطي طرف الكيس من فوق وتففلي بخيط كويس وتلفي الكيس في ورق فويل وتكوني مجهزه حله علي النار فيها ميه بتغلي وتحطيه وبياخد ساعه علي النار وبعدين تفتحيه وتحطيه يبرد في التلاجه وبالف هنا وشفا ...
ممكن نستغنى عن اللون بقطعه بنجر او بدون خالص بس هيبقي لونه فاتح زى لانشون الفراخ ...
ملحوظة ...مفيش حاجة اسمها زى ال برة بالظبط عشان الامانة هو قريب للطعم ولكن دى ع الاقل من ايدك عارفه مكوناتها وال هيقولك غير كدة يبقي بييالغ لان كل الطرق اقرب للجاهز ..بدل ما نجيب حاجة مش شايفين معموله من اية...و ممكن نحط مع المكونات صدر فرخة مفروم او ربع كيلو لحمة حسب الرغبه...