اهم عشر نصائح تجميليه
جبتلكم شوية نصايح تجميليه روووعه
1- لو ماسكارتك نشفت و عايزه ترجعيها تاني حطي عليها 3 نقط من قطرة العيون .
2- لو عايزة قلم الايلاينر بتاعك اسود اوي حطي سنة القلم على الولاعة بس مش كتير.
3- ممكن تعملي مرطب الشفايف بتاعك بنفسك حطي شوية فازلين مع بودرة اي شادو و اخلطيهم مع بعض .
4- لو عايزه لون الروج بتاعك يبقى زي لون البلاشر حطي من الروج الي انتي حاطه منه على شفايفك حطيه على خدودك بيدي نتيجه تحفه .
5- لون كريم الأساس لازم يبقى نفس لون بشرتك لا درجة افتح ولا درجه اغمق .
6- لو انتي عيونك مبطنة او منتفخة ابعدي خالص عن الايلاينر او ارسميه برسمة معينة هتلاقيها على اليوتيوب اكتبي كيفية رسم الايلاينر للعيون المبطنة .
7- لون الحواجب تبقى افتح من لون الشعر الطبيعي بدرجة او بدرجتين و ابعدي عن اللون الاسود لانه بيدي شكل قاسي و مش محبب على الوش.
8- لو مناكيرك نشف حطي عليه كام نقطة اسيتون كده وهو هيرجع زي الاول واحسن.
9- لو عايزه عينك توسع حطي عليها اي لاينر ابيض من جوه عينك على خط الرموش الي تحت بس.
10- لو هتحددي شفايفك خلي لون محدد الشفايف يبقى اغمق من لون الروج بدرجة او درجتين بس مش اكتر
واتمنى تكونو استفدتوا